ABŞ-Avropa münasibətləri son illərin ən pis böhranını yaşayır

ABŞ-Avropa münasibətləri son illərin ən pis böhranını yaşayır - Stoltenberq

NATO-nun keçmiş baş katibi Yens Stoltenberq bildirib ki, ABŞ və alyansın Avropa müttəfiqləri arasındakı gərginlik bu gün 2024-cü ildə təqaüdə çıxdığı vaxtdan daha mürəkkəb və təhlükəli hala gəlib.

Çağrı.az xəbər verir ki, bu barədə "Bloomberg" agentliyi məlumat yayıb.

Stoltenberq Osloda verdiyi müsahibədə bildirib: "İndi iki il əvvəlkindən daha az nikbinəm. Vəziyyət daha da mənfi istiqamətdə dəyişir. Mən hələ də düşünürəm ki, əsas məsələ Şimali Amerika və Avropanın birliyini qorumaqdır, amma qəbul etməli olduğumuz şeylərin həddi var".

Alyansın keçmiş rəhbəri ABŞ prezidenti Donald Trampın Qrenlandiya ilə bağlı açıqlamalarına xüsusilə sərt münasibət bildirib. Stoltenberqin sözlərinə görə, Trampın Qrenlandiya üzərində nəzarəti ələ keçirmək ambisiyaları fonunda ABŞ-ın Danimarkanı təhdid etməsi "tamamilə qəbuledilməzdir".