ABŞ Çinə qarşı sanksiyalar tətbiq etdi

ABŞ Çində dəniz terminalı işlədən bir şirkətə İran neftini idxal etdiyinə görə sanksiyalar tətbiq edib.

Çağrı.az xəbər verir ki, bu barədə Dövlət Departamentinin sözçüsü Tommi Piqot bildirib.

Onun yaydığı yazılı açıqlamaya görə, "Qindao Haiye Oil Terminal Co." və onun prezidenti ABŞ-ın qara siyahısına əlavə edilib. ABŞ Dövlət Departamentinin məlumatına görə, şirkət İrandan "on milyonlarla barel sanksiya tətbiq edilən xam nefti idxal edib". Dövlət Departamentinin fikrincə, bu, Tehranın "milyardlarla dollar" qazanmasına imkan verib.

Bundan əlavə, İran tankerlərinin kölgə donanmasını idarə etməkdə iştirak etdiyi iddia edilən iki gəmiçilik şirkətinə qarşı məhdudlaşdırıcı tədbirlər tətbiq edilib. Bunlar Böyük Britaniyada yerləşən "Thriving Times International Co." və Honkonqda yerləşən "Onboard Ship Management Limited" şirkətləridir.