Amerika Birləşmiş Ştatları öz ölkələrində təqib və ya zorakılıqdan qorxduqlarını iddia edən ərizəçilərə qeyri-immiqrasiya vizalarının verilməsini dayandıracaq.

Çağrı.az xəbər verir ki, bu qayda dəyişikliyi "The Washington Post" (WP) məlumat yayıb.

Məlumata görə, ABŞ konsulluqlarında turizm, təhsil və ya iş üçün vizaya müraciət edərkən, müraciət edənlərdən öz ölkələrində zorakılığa məruz qalıb-qalmadıqları və təqib qorxusu səbəbindən öz ölkələrinə qayıtmaqdan çəkinib-çəkinmədikləri soruşulacaq. Əgər müraciət edən bu sualların hər hansı birinə "bəli" cavabını verərsə, onun qeyri-immiqrasiya vizası müraciəti rədd ediləcək.

WP-nin qeyd etdiyi kimi, ABŞ qaydaları sərtləşdirməklə ölkəyə adi viza ilə daxil olduqdan sonra sığınacaq üçün müraciət edən insanların sayını məhdudlaşdırmağa çalışır.

Dövlət Departamentinin özü bildirir ki, immiqrasiya sistemindən sui-istifadənin qarşısını almaq vəzifəsi daşıyan konsulluqlar milli təhlükəsizliyin ilk müdafiə xəttidir.