"Vaşinqton administrasiyası Ermənistanı digər ölkələrlə dostluq münasibətlərini kəsməyə məcbur etmir".

Çağrı.az xəbər verir ki, bunu ABŞ dövlət katibi Marko Rubio deyib.

"Qeyd etmək istərdim ki, açıq mənbə məlumatlarında da təsdiqləndiyi kimi, Rusiya oradakı fəaliyyətimizdən qətiyyən məmnun deyil. Aydınlaşdırmaq istərdim ki, biz Ermənistanın suverenliyini pozmuruq. Biz onlardan digər ölkələrlə dostluqlarından imtina etmələrini istəmirik. Biz sadəcə olaraq münasibətlərimizin yalnız sülh üzərində qurulmamasını istəyirik. Sülh vacibdir, amma bu, yalnız başlanğıcdır: o, iqtisadi imkanlar açır”, - deyə ABŞ dövlət katibi bildirib.

Rubio Ermənistan və ABŞ arasında "Beynəlxalq Sülh və Rifah üçün Tramp Marşrutu" (TRIPP) layihəsi üzrə strateji əməkdaşlıq haqqında çərçivə sazişinin imzalanması ilə bağlı şərhində bildirib ki, bu, "Amerika özəl sektoruna investisiyaları stimullaşdıracaq".

ABŞ dövlət katibi qeyd edib: "Biz Amerika şirkətləri üçün inhisar axtarmırıq, amma istəyirik ki, onlar öz paylarını alsınlar".