ABŞ-ın kəşfiyyat təyyarəsi Qara dəniz üzərində bir neçə dövrə vurub

ABŞ-ın Bombardier Challenger 650 Artemis II kəşfiyyat təyyarəsi yenidən Qara dənizin neytral suları üzərində dövrə vurub.

Çağrı.az xəbər verir ki, bu barədə TASS-a Rusiyanın hava hərəkətinin idarə olunması dairələrindəki mənbə bildirib.

Agentliyin mənbəsi bildirib: "Təyyarə Rumıniyanın Konstansa şəhərindəki aerodromdan havaya qalxıb və bir neçə saat ərzində sularda qərbdən şərqə və geriyə fırlanıb".

O, təyyarənin Rumıniyadan başqa heç bir ölkənin hava məkanına daxil olmadığını və əsasən təyin olunmuş mülki aviasiya dəhlizlərindən kənara uçduğunu qeyd edib.

Agentliyin mənbəyi bu məsələ ilə bağlı xatırladıb ki, aprelin əvvəlində Bombardier Challenger 650 Artemis II təyyarəsi Qara dəniz üzərində uçub və Britaniya Hərbi Hava Qüvvələrinə məxsus Boeing RC-135W Rivet Joint strateji kəşfiyyat təyyarəsi ilə birlikdə müşahidə olunub.