“ABŞ İrandakı əsas hərbi məqsədlərinə çatıb”.

Çağrı.az xəbər verir ki, bunu Ağ Evin mətbuat katibi Karolin Livit deyib.

“Epik Qəzəb Əməliyyatının” lap əvvəlindən ABŞ Prezidenti Donald Tramp bunun 4-6 həftəlik bir əməliyyat olacağını təxmin edirdi. Döyüşçülərimizin inanılmaz qabiliyyətləri sayəsində əsas hərbi hədəflərimizə 38 gün ərzində nail olduq və onları aşdıq”, - Livit bildirib.

Livit əlavə edib:

“Ordumuzun uğuru maksimum təsir gücü yaratdı və Prezident Trampa və komandaya diplomatik həll və uzunmüddətli sülh üçün yol açan çətin danışıqlar aparmağa imkan verdi. Tramp daha əvvəl İranla iki həftəlik "ikitərəfli" atəşkəs elan etmişdi. ABŞ prezidenti qeyd edib ki, qərar Pakistanın Baş naziri Şehbaz Şərifin təklifinə əsaslanır və İran İslam Respublikasının “Hörmüz” boğazının tam, dərhal və təhlükəsiz şəkildə açılmasına razılıq verməsindən asılıdır”.