Aİ Macarıstana Xorvatiya boru kəməri ilə neft təklif edəcək

Aİ Macarıstana Xorvatiya boru kəməri ilə neft təklif edəcək — Merz

"Avropa İttifaqı(Aİ) Macarıstanın yeni hökumətinə neft tədarükü üçün "Drujba" neft kəməri əvəzinə Xorvatiyadan keçən boru kəmərindən istifadə etməyi təklif edəcək".

Çağrı.az xəbər verir ki, bunu Almaniya kansleri Fridrix Merts deyib.

"Mən öz tərəfimdən təsdiqləyə bilərəm ki, iki həftə ərzində Kiprdə qeyri-rəsmi Aİ sammitində vəziyyəti müzakirə edəcəyik. Macarıstana artıq Xorvatiyadan keçən boru kəmərindən istifadə etmək təklif olunub", - deyə o bildirib.

Merz qeyd edib ki, əvvəlki Macarıstan hökuməti bu təklifi qəbul etməyib:
"Ümid edirəm ki, indi də bu aspektdə çox şey dəyişəcək və Macarıstan artıq Rusiyaya daha yaxın olmağa çalışmayacaq, əksinə, bizimlə birlikdə Avropa səviyyəsində mümkün qədər çox qərar qəbul etməyə çalışacaq".