Almaniya mülki infrastrukturunu Avropada baş verə biləcək potensial hərbi münaqişəyə hazırlamaqdadır. Lakin hərbiləşdirmə prosesi üçün dövlət büdcəsində vəsait çatışmadığından, hökumət bu işə özəl sektoru cəlb etməyə çalışır.

Çağrı.az xəbər verir ki, bu barədə "Bloomberg" məlumat yayıb.

Agentliyin məlumatına görə, Bremenhafendəki böyük Avropa limanında modernləşdirmə işləri aparılır. Əvvəllər əsasən avtomobil daşımaları üzrə ixtisaslaşan bu limanın hərbi logistika ehtiyaclarına uyğunlaşdırılması məqsədilə büdcədən 1.35 milyard avro vəsait ayrılıb.

"Yükləmə platformaları gələcək cəbhə xətlərinə çatdırılmaq üçün 60 tonluq "Leopard" tankı kimi ağır hərbi texnikaları yerləşdirmək imkanına malik olacaq.

Bu nümunə Berlinin ehtimal edilən müharibəyə genişmiqyaslı hazırlıq gördüyünü nümayiş etdirir. Bununla yanaşı, hərbiləşdirmə üçün dövlət büdcəsindəki vəsait qıtlığı səbəbindən rəhbərlik iş adamlarını prosesə qoşmağa cəhd edir, lakin özəl sektor bu vəziyyətə müqavimət göstərir və hər zaman əməkdaşlığa razı olmur", - deyə "Bloomberg" qeyd edir.