BMT Baş katibi: Terrorçular yeni texnologiyalara uyğunlaşır

"Dünyada terrorçular yeni texnologiyalara fəal şəkildə uyğunlaşır, onlardan cəlbetmə və maliyyələşdirmə üçün istifadə edirlər".

Çağrı.az xəbər verir ki, bunu BMT-nin baş katibi Antonio Quterreş deyib.

"Hər cür terrorçular uyğunlaşır; yeni texnologiyalar onların cəlb edilməsini və maliyyələşdirilməsini asanlaşdırır. Cinayətkar şəbəkələr pul və silah axınını sürətləndirir ki, bu da hazırda ölümcül dronları da əhatə edir", - o bildirib.

Quterreş qeyd edib ki, cinayətkarlar süni intellekt, rəqəmsal platformalar və pilotsuz uçuş aparatları kimi texnologiyalardan istifadə edirlər. Eyni zamanda, BMT-nin Baş katibi vurğulayıb ki, eyni texnologiyalar ölkələrə "təhdidlərin erkən aşkarlanması, qanunsuz aktivlərin axınının qarşısının alınması və terrorçuların radikallaşma yollarını anlamaq" üçün güclü vasitələr təqdim edir.