Britaniya xarici siyasətini Trampa "təslim etməyəcək"

Britaniya xarici siyasətini Trampa "təslim etməyəcək" - XİN rəhbəri

"London xarici siyasətini Donald Trampa "təslim etməyəcəyəcək".

Çağrı.az xəbər verir ki, bunu Böyük Britaniyanın xarici işlər naziri İvet Kuper deyib.

O, Baş nazir Kir Starmerin ABŞ və İsrailin İrana qarşı hücumlarına qoşulmamaq, eləcə də Britaniya hərbi gəmilərini Hörmüz boğazına göndərməmək qərarını müdafiə edib.

"Bizim cavabımız aydın prinsiplərə və sakit liderliyə əsaslanır. Biz təzyiqlərlə üzləşən Britaniya ailələrini dəstəkləyəcəyik", - XİN rəhbəri bildirib.

"Regiondakı vətəndaşlarımızı qoruyacağıq. Hücum altında olan müttəfiqlərimizi də qoruyacağıq. Baş nazirin dünən dediyi kimi, nə özümüzü daha geniş müharibəyə cəlb edəcəyik, nə də xarici siyasətimizi başqalarına həvalə edəcəyik. Qərarlarımız Britaniyanın dəyərlərinə və milli maraqlarına əsaslanacaq. Böyük Britaniya bu münaqişədə öz milli maraqlarına əsaslanaraq ABŞ və İsraildən fərqli mövqe tutub", - Kuper əlavə edib.