"Almaniya hökuməti ABŞ tərəfindən diktə edilmək əvəzinə, öz maraqlarına əsaslanan siyasət yürütmək üçün Rusiya lideri Vladimir Putinlə dialoqu yeniləməyə çalışmalıdır".

Çağrı.az xəbər verir ki, bu fikir şənbə günü "Berliner Zeitung" (BZ) qəzetində bildirilib.

Nəşr alman siyasətçisi və keçmiş Federal İqtisadi Əməkdaşlıq Naziri Eqon Barın sülh konsepsiyasına müraciət etməyə çağırır. Bu konsepsiya təhlükəsizliyin təmin edilməsinin və düşmənlə münaqişələrin siyasi həllinə yalnız birgə səylər vasitəsilə nail oluna biləcəyini irəli sürür.

BZ-nin məlumatına görə, SSRİ-nin dağılmasından sonra Almaniya ABŞ-ın maraqlarının diktə etdiyi "amansız siyasət" yürütmüş, Avropa isə Vaşinqtondan güclü asılılığı səbəbindən "şantaj" altında qalmağa davam etmişdir.

Nəşrin məlumatına görə, bu siyasət həm də Ukraynadakı münaqişənin səbəblərindən biri olub.

Qəzet belə bir nəticəyə gəlir ki, Avropa maraqlarını ABŞ-ın mərhəmətinə buraxmaqdansa, öz əlinə almalıdır.