BƏƏ OPEC-dən çıxır

BƏƏ 1 may tarixindən etibarən Neft İxrac Edən Ölkələr Təşkilatından (OPEC) və OPEC+ alyansından çıxacaq.

Çağrı.az xəbər verir ki, bu barədə BƏƏ-nin dövlət xəbər agentliyi "WAM" məlumat yayıb.

"Birləşmiş Ərəb Əmirlikləri bu gün Neft İxrac Edən Ölkələr Təşkilatından və OPEC+ təşkilatından 1 may 2026-cı il tarixindən etibarən çıxmaq qərarını elan etdi", - məlumatda bildirilib.

Agentliyin məlumatına görə, bu qərar BƏƏ-nin enerji sektorunun inkişafının uzunmüddətli strateji və iqtisadi vizyonuna, maraqlarına əsaslanır və ölkənin qlobal enerji bazarlarının gələcəyinə yönəlmiş məsuliyyətli və etibarlı istehsalçı roluna sadiqliyini təsdiqləyir.

Agentlik həmçinin qeyd edir ki, BƏƏ-nin OPEC-dən çıxmaq qərarı bazar dinamikasına cavab verməkdə çevikliyi artıracaq.