Erkən seçkilər Türkiyənin gündəmində deyil

Erkən seçkilər Türkiyənin gündəmində deyil - Ərdoğan

Türkiyə Prezidenti Rəcəb Tayyib Ərdoğan növbədənkənar seçkilərin keçirilməsinin gündəmdə olmadığını bildirib.

Çağrı.az xəbər verir ki, o, sədrlik etdiyi kabinet iclasından sonra xalqa müraciətində bildirib:

"İstəyirəm hamı bilsin ki, erkən və ya aralıq seçkilər hökumətimizin təcili siyasi gündəliyində deyil, xalqımızın planlarında da yoxdur".

Əsas müxalifət partiyası olan Cümhuriyyət Xalq Partiyası (CHP) müntəzəm olaraq növbədənkənar ümumi seçkilərin keçirilməsinə çağırır. Partiya lideri Özgür Özel əvvəllər CHP-nin ölkədə erkən seçkilər keçirmək üçün genişmiqyaslı kampaniya başlatmaq planlarını açıqlamışdı.

Qeyd edək ki, Türkiyədə 2028-ci ildə prezident və parlament seçkiləri planlaşdırılır. Analitiklər onların 2027-ci ilin sonlarında keçiriləcəyini istisna etmirlər.