Türkiyənin xarici işlər naziri Hakan Fidan bildirib ki, planlaşdırılan ABŞ-İran danışıqlarının uğuru üçün tərəflərin barışdırıcı, çevik, səbirli və konstruktiv yanaşma nümayiş etdirməsini vacib hesab edir.

Çağrı.az xəbər verir ki,bu barədə Hakan Fidan Ankarada Suriya xarici işlər naziri Əsəd əl-Şeybani ilə birgə mətbuat konfransında bildirib.

"Müvəqqəti atəşkəslə bağlı əldə edilən razılaşmaları böyük məmnuniyyətlə qarşılayırıq. Ümid edirik ki, atəşkəs Livan da daxil olmaqla, yerində tam şəkildə tətbiq olunacaq və bu proses davamlı sülhə gətirib çıxaracaq. Bu, yalnız dialoq, diplomatiya və qarşılıqlı etimadın bərpası yolu ilə mümkündür. Bu kontekstdə tərəflərin Pakistanda keçiriləcək danışıqlarda barışdırıcı, çevik, səbirli və konstruktiv yanaşma nümayiş etdirməsi də vacibdir. Keçmiş böhranlardan dərslər çıxarılmalıdır", - Fidan qeyd edib.