Fidan: Türkiyə Rusiya-Ukrayna sülh danışıqlarının başlanmasını istəyir

Türkiyənin xarici işlər naziri Hakan Fidan ölkəsinin Ukraynada hərbi əməliyyatların mümkün qədər tez dayandırılmasını və tərəflər arasında hərtərəfli danışıqların başlanmasını istədiyini bildirib.

Çağrı.az xəbər verir ki, o, bu açıqlamanı Qırğızıstanın xarici işlər naziri Cinbek Kulubayevlə danışıqlardan sonra keçirilən mətbuat konfransında verib.

"Ukraynada davam edən müharibəni, onun nəticələrini və təhlükəli yayılma riskini müzakirə etdik. Rusiyaya son səfərimdən təəssüratlarımı və həmkarlarımızın təmaslarından sonra qiymətləndirmələrimi bölüşdüm. Bu gün bu məsələlərlə bağlı fikir mübadiləsi apardıq. Məqsədimiz və istəyimiz müharibəni mümkün qədər tez bitirmək və hərtərəfli sülh danışıqlarına başlamaqdır. Və bu məsələdə Qırğızıstanla yekdilik", - deyə o qeyd edib.