Fidan: Ukraynadakı döyüşlər digər bölgələrə də yayılır

Türkiyənin xarici işlər naziri Hakan Fidan Ukraynadakı döyüşlərin minaların və pilotsuz uçuş aparatlarının çatdığı digər bölgələrə də yayılmağa başlamasından narahatlığını bildirib.

Çağrı.az xəbər verir ki, o, bu açıqlamanı Türkiyə, Azərbaycan və Gürcüstan xarici işlər nazirlərinin İstanbulda keçirilən 10-cu üçtərəfli görüşündən sonra verib.

"Müharibə hazırda coğrafi cəhətdən yayılır. Baltikyanı ölkələrdə müharibə edən tərəflərin istifadə etdiyi silah və sursatların peyda olduğunu görürük. Rumıniyada nələrin baş verdiyini görürük. Minalar və pilotsuz uçuş aparatlarının Türkiyə boğazlarına çatdığını görürük. Bütün bunlar müharibənin davam etdiyi müddətdə coğrafi cəhətdən necə yayıldığını açıq şəkildə göstərir", - deyə o bildirib.