Fransa "Hörmüz" boğazının açılması ilə bağlı sammitə NATO-nun baş katibi Mark Rutte və Avropa Komissiyasının Prezidenti Ursula fon der Leyeni dəvət etməyib.

Çağrı.az xəbər verir ki, bu barədə Financial Times (FT) üç mənbəyə istinadən məlumat yayıb.

Məlumata görə, Paris Londonun təklif etdiyi dəvət olunanlar siyahısından adlarını iki dəfə çıxarıb. Bu da formatın yalnız dövlət və hökumət başçıları səviyyəsində iştiraka imkan verdiyini göstərir.

Britaniya hökumətinin rəsmi açıqlamasına görə, konfransda təxminən 40 ölkə iştirak edəcək. Fransa Prezidenti Emmanuel Makron, Britaniya və İtaliyanın Baş nazirləri Kir Starmer və Corc Meloni, eləcə də Almaniya Kansleri Fridrix Merzin Parisdə şəxsən görüşməsi planlaşdırılır, digər liderlərin isə müzakirələrə video bağlantı vasitəsilə qoşulması gözlənilir.

Nəşr həmçinin qeyd edir ki, ABŞ administrasiyasının nümayəndələri iştirakçılar arasında siyahıda yoxdur, lakin Avropa liderlərinin görüşdən sonra ABŞ Prezidenti Donald Trampa sammitin nəticələri barədə məlumat verməsi mümkündür.