Hindistan Rusiya ilə investisiya əlaqələrini gücləndirəcək

"Hindistan və Rusiya qarşılıqlı investisiya sahəsində tam istifadə olunmayan əhəmiyyətli potensiala malikdir və Yeni Dehli investisiya əlaqələrinin dərinləşdirilməsinə diqqət yetirəcək".

Çağrı.az xəbər verir ki, bu barədə Hindistan Ticarət və Sənaye Nazirliyinin Sənaye və Daxili Ticarətin Təşviqi Departamentinin katibi Amardip Sinqx Bhatia Rusiyaya səfərindən əvvəl "TASS"a bildirib.

"Ticarət sahəsində əhəmiyyətli irəliləyişlər əldə edilsə də, investisiya əməkdaşlığında hələ də əhəmiyyətli dərəcədə istifadə olunmamış potensialın olduğuna inanırıq. Prioritet İnvestisiya Layihələri üzrə Hindistan-Rusiya İşçi Qrupu iki ölkəmiz arasında strateji investisiyaların müəyyən edilməsi, asanlaşdırılması və monitorinqi üçün mühüm institusional mexanizm kimi ortaya çıxıb", - Bhatia qeyd edib.