İİKK: İran ABŞ infrastrukturuna hücumlarda təmkinli olmayacaq

"ABŞ və İsrailin İslam Respublikasının enerji infrastrukturuna hücumlarından sonra İran Silahlı Qüvvələri Yaxın Şərqdə Amerika infrastrukturuna qarşı cavab zərbələri endirməkdə artıq təmkinli olmayacaq".

Çağrı.az xəbər verir ki, bu barədə İslam İnqilabı Keşikçiləri Korpusunun (İİKK) mətbuat xidməti məlumat verib.

"ABŞ-ın regional müttəfiqləri də bilməlidirlər ki, bu günə qədər mehriban qonşuluq prinsiplərinə əsaslanaraq xeyli təmkin nümayiş etdirmişik və cavab hədəflərinin seçilməsində müəyyən məhdudiyyətləri nəzərə almışıq, lakin bundan sonra bütün bu məhdudiyyətlər aradan qaldırılıb", - məlumatda bildirilib..

İİKK vurğulayıb ki, onlar Amerika enerji obyektlərinə elə bir düzəlməz ziyan vuracaqlar ki, ABŞ və tərəfdaşları uzun illər Yaxın Şərqdə qaz və neftə çıxışını itirəcəklər.