İran ABŞ ilə danışıqlarda güzəştə getməyəcəyini bildirib

"İranla bağlı məqsədlərinə hərbi cəhətdən nail ola bilməyən ABŞ indi danışıqlar masasında məqsədlərinə çatmağa çalışır, lakin Tehran güzəştə getmək istəmir".

Çağrı.az xəbər verir ki, bu barədə İranın vitse-prezidenti İsmail Səqqab İsfahani bildirib.

"Düşmən heç bir məqsədinə çata bilmədi. Belə bir şəraitdə onun danışıqlar tələb etməsi tamamilə təbiidir. Düşmən özünü supergüc kimi hiss etdi və heç bir nəticə verməyən müharibəyə girdi. Hərbi əməliyyatları üç-dörd gün ərzində bitirmək niyyətində idi, lakin özünü çıxılmaz vəziyyətdə tapdı. İndi döyüş meydanında əldə edə bilmədiyi şeyə danışıqlar yolu ilə nail olmağa çalışır", - o qeyd edib.

İsfahani ölkəsinin danışıqlar prosesində güzəştə getməyəcəyini vurğulayıb.

"İranın cavabı aydındır: döyüş meydanında qəbul etmədiyi şeyi danışıqlar masasında qəbul etməyəcək", - diplomat əlavə edib.