İran ABŞ və İsraildən gələn istənilən təhdidi dəf etməyə hazırdır

İran ABŞ və İsraildən gələn istənilən təhdidi dəf etməyə hazırdır - İsmayıl Bəqayi

“İran Silahlı Qüvvələri ABŞ və ya İsrailin istənilən yeni təcavüzünə qarşı müdafiə olunmağa hazırdır”.

Çağrı.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi bildirib.

"İran bu məcburi müharibəni başlatmayıb və onun bütün hərəkətləri ABŞ və İsrailin hərbi təcavüzünə qarşı özünümüdafiə hüququndan istifadə etməyə yönəlib. Bu baxımdan, İran döyüş meydanında və siyasətdə baş verən hadisələri diqqətlə izləyir və ölkənin maraqlarını və milli təhlükəsizliyini qorumaq üçün bütün zəruri tədbirləri görəcək. Silahlı qüvvələr ayıq-sayıqdır və İranın bütövlüyünü istənilən təhdidlərdən, zərərli hərəkətlərdən qorumağa hazırdır", - Bəqayi qeyd edib.