"ABŞ Yaxın Şərq dövlətlərinin liderlərini İrana qarşı birbaşa müharibə aparmağa inandırmağa çalışır".

Çağrı.az xəbər verir ki, bunu məsələ ilə tanış olan İran rəsmisi TASS-a bildirib.

"İranın bölgədəki əməliyyatlarının genişlənməsi və ABŞ-ın Mərkəzi Komandanlıq (CENTCOM) çərçivəsində müdafiə qabiliyyətlərinin azalması psixoloji əməliyyatların yeni mərhələsinə təkan verib", - mənbə qeyd edib.

İran rəsmisi həmçinin TASS-a bildirib ki, Ər-Riyaddakı "Hyatt Regency" otelinə edilən hücum ABŞ-ın təxribatı olub:

"CENTCOM-un missiyası ərəb ölkələrində, xüsusən də Səudiyyə Ərəbistanında mülki şəxsləri hədəf alaraq regionda ictimai rəyi dəyişdirmək və günahı İranın üzərinə atmaqdır. Bu, son günlərdə elektron müharibədən istifadə və "Regency" otelinə edilən hücumla müşaiyət olunub. Amerikalılar saxta bayraq əməliyyatları kimi tanınan bu cür psixoloji əməliyyatlar aparmaqda uzun bir tarixə malikdirlər".