Müdafiə naziri Pit Heqset Senatın Təxsisatlar Komitəsində keçirilən dinləmələr zamanı bildirib ki, fevral ayının sonlarında başlayan İran müharibəsi indiyədək ABŞ-yə təxminən 37,5 milyard dollara başa gəlib.

Çağrı.az BBC yə istinadən xəbər verir ki, müharibə xərclərinin son açıqlanan rəqəmlərlə müqayisədə təxminən 8 milyard dollar artdığı bildirilir. Dinləmədən öne çıxan əsas məqamlar aşağıdakılardır:

Əlavə maliyyə tələbi: Ağ Ev Yaxın Şərqdəki hərbi əməliyyatlar və təcili ehtiyaclar üçün Konqresdən əlavə 87,6 milyard dollar vəsaitin təsdiqlənməsini istəyib (bunun 67 milyard dolları Yaxın Şərqdəki əməliyyatlara yönəldiləcək).

Məqsəd: Heqseth qeyd edib ki, bu vəsait müdafiə imkanlarını gücləndirmək və "güc vasitəsilə sülhü möhkəmləndirmək" üçün vacibdir.

Siyasi reaksiyalar:Dinləmədə çıxış edən Senatın aparıcı Demokrat üzvləri müharibənin dəqiq sonluq strategiyasının olmadığını və artan xərclərin iqtisadiyyata mənfi təsir göstərdiyini vurğulayıblar. Respublikaçılar arasında da büdcə kəsintiləri tələb edənlər var.

Prosedur: Konqresin yay tətilinə çıxması səbəbindən maliyyələşdirmə paketinin səsə qoyulması və təsdiqlənməsi ən tezi sentyabr ayına qədər təxirə düşə bilər.