İran səfiri Böyük Britaniya XİN-ə çağırılıb

İranın Böyük Britaniyadakı səfiri Seyid Əli Musəvi İran diplomatik missiyasının Telegram kanalında paylaşımdan sonra Böyük Britaniya Xarici İşlər Nazirliyinə(XİN) çağırılıb.

Çağrı.az xəbər verir ki, bu barədə Böyük Britaniya XİN-in bəyanatında bildirilib.

"Yaxın Şərq üzrə xarici işlər naziri Hamiş Falkoner, İran səfirliyinin sosial mediada etdiyi qəbuledilməz və təhrikedici şərhlərə cavab olaraq İran İslam Respublikasının Birləşmiş Krallıqdakı səfirini çağırdı. Xarici işlər naziri bu cür hərəkətlərin və şərhlərin tamamilə qəbuledilməz olduğunu və səfirliyin Böyük Britaniyada və ya başqa yerdə zorakılığa çağırış kimi qəbul edilə biləcək hər hansı bir ünsiyyəti dayandırmalı olduğunu açıq şəkildə bildirdi", - məlumatda qeyd edilib.