İran və ABŞ əlaqələrini kəsməyib

İran və ABŞ əlaqələrini kəsməyib - Əraqçi

"Tehran və Vaşinqton münaqişənin həlli üçün vasitəçilər vasitəsilə danışıqlar aparır və əlaqələri kəsməyiblər; tərəflər hazırda əvvəllər mübadilə etdikləri mətnləri nəzərdən keçirirlər".

Çağrı.az xəbər verir ki, bu barədə İranın xarici işlər naziri Abbas Əraqçi "Əl-Məyadin" televiziyasına verdiyi müsahibədə bildirib.

Livandakı vəziyyətə görə danışıqlar prosesinin dayandırılıb-dayandırılmadığı ilə bağlı suala cavab olaraq, o, "xarici amillərin danışıqlara təsir etdiyini" qeyd edib: "Hazırda danışıqlar prosesi başlamayıb, lakin mesaj mübadiləsi davam edir. İki gün əvvəl ABŞ-a İsrailin Beyruta qarşı təcavüzünə son qoyulmasının vacibliyi barədə mesaj göndərdik. Əlaqələrimiz kəsilməyib".

"Biz əvvəllər Amerika tərəfi ilə mübadilə etdiyimiz mətnləri öyrənirik və sənədin son layihəsi üzərində işləyirik", - deyə xarici işlər naziri bildirib.