İspaniya İraqdan hərbçilərini təxliyə etməyə hazırlaşır

İspaniya rəsmiləri NATO missiyasının bir hissəsi olaraq İraqda yerləşdirilən hərbi qulluqçularını təxliyə etməyə hazırlaşdığını açıqlayıb.

Çağrı.az xəbər verir ki, bu barəd əİspaniyanın rəsmi xəbər agentliyi EFE müdafiə naziri Marqarita Roblesə istinadən məlumat yayıb.

Qeyd edilib ki, İspaniya NATO-nun təhlükəsizlik səbəbləri ilə İraqdakı missiyasını yenidən təşkil etmək qərarından sonra İraqdakı hərbi qulluqçularını təxliyə etməyə və yenidən yerləşdirməyə hazırlaşır.

Robles bildirib ki, İspaniyanın İraqdakı mövcudluğu iki əsas səbəbə əsaslanır: "İŞİD-i məğlub etmək və NATO-nun İraqdakı missiyasını qorumaq üçün yaradılan beynəlxalq koalisiyanın bir hissəsi olmaq və İraq hakimiyyətinə təhlükəsizlik və müdafiə qurumlarının inkişafı və gücləndirilməsi ilə bağlı məsləhət vermək".