İsrail Saudi Aramco şirkətinin neft zavodlarına hücum planlayır

İsrail Saudi Aramco şirkətinin neft zavodlarına hücum planlayır - İran

"İsrail Səudiyyə Ərəbistanının neft obyektlərinə hücum etməyi planlaşdırır".

Çağrı.az xəbər verir ki, bu barədə İran İslam Respublikasının mərkəzi qərargahı olan Xatəm əl-Ənbiyanın sözçüsü bildirib.

İran dövlət televiziyası bəyanatdan sitat gətirib: "Daha əvvəl də bildirdiyimiz kimi, İran Silahlı Qüvvələri ABŞ-a və İsrail rejiminə məxsus bütün infrastruktur obyektlərinə hücum edir və rəsmi olaraq bunun məsuliyyətini öz üzərinə götürür və bunu bəyan edir. Alınan məlumata görə, İsrail rejimi Aramco obyektləri də daxil olmaqla, regiondakı enerji infrastrukturuna hücum etmək niyyətindədir və rejimin İranı günahlandırmaq və region ölkələri arasında nifaq salmaq məqsədi daşıyan vəhşilikləri bu pis niyyəti təsdiqləyir".