"ABŞ və İsrailin İranın hərbi imkanlarını məhv etməyə yönəlmiş hərbi əməliyyatları zamanı mülki şəxslərin və uşaqların təhlükəsizliyinə hörmət edilməlidir. Buna görə də, hökumət adından Minabdakı məktəbdəki qızların qətlini pisləyir, gənc qurbanların ailələri ilə həmrəylik ifadə edir və bu faciəyə görə kimin məsuliyyət daşıdığının tez bir zamanda müəyyən edilməsini xahiş edirəm".

Çağrı.az xəbər verir ki, bunu İtaliyanın Baş naziri Ciorcia Meloni deyib.

O, İtaliyanın müharibədə olmadığını və müharibəyə qoşulmaq niyyətində olmadığını bir daha vurğulayıb: "ABŞ qüvvələri tərəfindən istifadə edilən İtaliya ərazisindəki NATO bazaları mövcud müqavilələrin qaydalarına tabedir və genişləndirilmiş istifadə üçün əlavə sorğular alınarsa, hökumət parlamentdən məsələni nəzərdən keçirməsini xahiş etmək niyyətindədir. Təkrar edirəm, hazırda heç bir sorğu almamışıq".