Kallas: Qətər LNG zavoduna hücum xaosa səbəb olub

"İranın Qətərdəki mayeləşdirilmiş təbii qaz zavoduna hücumu xaosa səbəb olub və Yaxın Şərqdəki münaqişəyə təcili həll yolu tapılmalıdır".

Çağrı.az xəbər verir ki, bu barədə Avropa İttifaqı(Aİ) Xarici İşlər Katibi Kaya Kallas bildirib.

"İranın Qətər LNG zavoduna zərbəsi xaosa səbəb olub. Bizə təcili olaraq çıxış strategiyası lazımdır. Biz bu müharibədən çıxış yolu görmək istəyirik. Biz Yaxın Şərqdə xaosu və bütün dünya üçün nəticələrini görürük”, - Kallas deyib.

O, Aİ liderlərinin sammitdə vəziyyəti müzakirə edəcəklərini vurğulayıb, lakin Aİ xarici işlər nazirlərinin 16 martda Brüsseldə keçirilən görüşdə Aİ-nin hərbi müdaxiləsinə qarşı çıxmasından sonra boğaza hərbi gəmilərin və ya digər qüvvələrin göndərilməsi məsələsinin hazırda nəzərdən keçirilmədiyini təsdiqləyib.