KİV: Aİ sammitləri işıqlandırmaq üçün sadiq bloqçular seçəcək

Avropa İttifaqı(Aİ) Şurası bloqçulara və nüfuz sahiblərinə Brüsseldə keçirilən Aİ sammitlərini və nazirlərin fərdi görüşlərini işıqlandırmağa icazə vermək niyyətindədir.

Çağrı.az xəbər verir ki, bu barədə Avropanın "Politico" nəşri Aİ üzv dövlətlərinə göndərilən tövsiyələrə istinadən məlumat yayıb.

Məlumata görə, proqramın iyul ayında başlaması planlaşdırılır. Hər bir ölkə tədbirin işıqlandırılmasında iştirak etmək üçün namizədlərini müstəqil şəkildə irəli sürə biləcək.

Sənədə əsasən, Aİ dəyərlərinə zidd materiallar dərc edən müəlliflərin iştirakına icazə verilməyəcək.

Bundan əlavə, bloqçuların böyük brendlərlə əhəmiyyətli və ya uzunmüddətli kommersiya müqavilələri olmamalı, siyasi vəzifə tutmamalı və ya buna can atmamalıdır.