“İranın ucuz dronlardan istifadəsi ABŞ və müttəfiqlərinin bahalı raket ehtiyatlarını tükəndirməklə iqtisadi cəhətdən əlverişsiz vəziyyətə salır”.

Çağrı.az xəbər verir ki, bu barədə “The New York Times” qəzeti məlumat yayıb.

Qəzet “Hylio” dron istehsalçısının baş icraçı direktoru və həmtəsisçisi Artur Eriksondan sitat gətirib: "Dronu vurmaq, səmaya dron uçurmaqdan daha baha başa gəlir. Bu, pul oyunudur. Hər atışla onu zərərsizləşdirmək üçün xərc nisbəti ən yaxşı halda 10-a bərabərdir. Lakin İranın xeyrinə xərc baxımından bu, 60 və ya 70-ə bərabər ola bilər".

Bu fonda qəzet Vaşinqton və tərəfdaşlarının regionu müdafiə etmək üçün lazım olan raket tutucularının tükənəcəyi ilə bağlı artan qorxuları qeyd edib. Ekspertlər müttəfiqlərin kifayət qədər hava hücumundan müdafiə imkanları təmin edə bilmədiyi Ukraynadakı vəziyyətlə paralellər aparıblar.