Küveyt hava məkanını iki aviaşirkətin uçuşları üçün açıb

Küveyt aviasiya hakimiyyəti ölkənin hava məkanını iki aviaşirkətin ("Jazeera Airways" və "Kuwait Airways") uçuşları üçün açsa da, səma bütün digər aviaşirkətlər üçün bağlı qalır.

Çağrı.az xəbər verir ki, bu barədə TASS-a Yaxın Şərq hava hərəkətinin idarə edilməsi xidmətindəki mənbə bildirib.

Agentliyin mənbəsi deyib: "Küveyt səması "Jazeera Airways" və "Kuwait Airways" təyyarələri üçün açılıb, bir sıra yoxlama məntəqələri və dəhlizlər onların uçuşları üçün ayrılıb".

Mənbə hava məkanının 4 iyun, saat 12:00-a (Bakı vaxtı ilə saat 16:00) qədər digər aviaşirkətlər üçün bağlı qaldığını vurğulayıb: "Eyni zamanda, iki aviaşirkətə mümkün gecikmələr və ya digər hava limanlarına yönləndirmə halında yanacaq ehtiyatlarının saxlanmasının vacibliyi barədə məlumat verilib".