Lukaşenko ABŞ və Aİ ilə əlaqələrdən danışıb

Belarus Prezidenti Aleksandr Lukaşenko Səudiyyə Ərəbistanının "Əl-Ərəbiyyə" televiziya kanalına müsahibə verib.

Çağrı.az xəbər verir ki, bu barədə "BelTA" xəbər agentliyi məlumat yayıb.

Bir saat yarım ərzində Belarus lideri Yaxın Şərq və Ukraynadakı münaqişələr, mövcud ziddiyyətlərin həlli yollarının axtarışı və sülh yolu ilə həll perspektivləri ilə bağlı iyirmi dörd sualı cavablandırıb.

Bəyanatda qeyd olunur ki, Lukaşenko, xüsusən də dünyada baş verən qlobal dəyişikliklərlə bağlı fikirlərini bölüşüb, ABŞ və Aİ ölkələri ilə əlaqələrdən danışıb və bir sıra Avropa ölkələrinin militarizasiyasına münasibət bildirib. Müsahibədə Səudiyyə Ərəbistanı və digər Yaxın Şərq dövlətləri ilə əməkdaşlığın inkişaf etdirilməsi məsələsinə də toxunulub.