"Dünən gecə İran, ABŞ və İsrail arasında əldə edilən atəşkəs razılaşması Livandakı müharibəyə son qoymaq üçün bir fürsət yaradır".

Çağrı.az xəbər verir ki, bunu İtaliyanın Baş naziri Corco Meloni deyib.

İtaliya Baş nazirinin mətbuat xidməti tərəfindən yayımlanan açıqlamada deyilir: "Hizbullahın ölkəni bu münaqişəyə cəlb etmək qərarı məsuliyyətsiz addım idi, lakin İsrailin Livanda davam edən və çox sayda insan ölümünə və köçməsinə səbəb olan hücumları dərhal dayandırılmalıdır".

Meloni həmçinin İsrail ordusunun Livanda BMT-nin Müvəqqəti Qüvvələrində xidmət edən İtaliya əsgərlərini atəşə tutmasını da qınayıb.

Bəyanatda deyilir: "İtaliya qoşunları BMT Təhlükəsizlik Şurasının mandatı altında Livandadır və sülhün qorunması naminə hərəkət edirlər. Buna görə də, BMT bayrağı altında fəaliyyət göstərən bir kontingentin bugünkü kimi məsuliyyətsiz hərəkətlərlə riskə atılması tamamilə qəbuledilməzdir. Bu da BMT-nin 1701 saylı qətnaməsinin açıq şəkildə pozulmasıdır".