Mübariz Yunus Həsən bəy Zərdabi adına Mükafata layiq görülüb

22 iyul – Milli Mətbuat Günü münasibətilə Azərbaycan Jurnalistlər Birliyində (AJB) Həsən bəy Zərdabi adına Mükafatın təqdimat mərasimi keçirilib.

Mərasimdə milli jurnalistikanın inkişafına töhfə vermiş media nümayəndələri mükafatlandırılıblar. 2026-cı il üzrə laureatlar sırasında Çağrı.az xəbər portalının baş redaktoru Mübariz Yunus da yer alıb.

Mübariz Yunus uzun illər Azərbaycan mətbuatında göstərdiyi səmərəli fəaliyyəti, “Füyuzat” dərgisinin inkişafına və maarifçi publisistikanın zənginləşdirilməsinə verdiyi töhfələrə görə Həsən bəy Zərdabi adına Mükafata layiq görülüb.

Tədbirdə laureatlara diplom və xatirə nişanları təqdim olunub.

Qeyd edək ki, Həsən bəy Zərdabi adına Mükafatı Azərbaycan Jurnalistlər Birliyi tərəfindən milli mətbuatın inkişafına, peşəkar jurnalistika prinsiplərinin qorunmasına və maarifçilik ənənələrinin yaşadılmasına mühüm töhfələr vermiş media nümayəndələrinə təqdim olunur.