Orban fon der Leyendən Zelenskiyə təzyiq göstərməsini istəyib

Macarıstanın Baş naziri Viktor Orban Avropa Komissiyasının rəhbəri Ursula fon der Leyenə müraciət edərək, Rusiya neftinin “Drujba” boru kəməri ilə tranzitini bərpa etməsi üçün Ukrayna prezidenti Volodimir Zelenskiyə təzyiq göstərməsini istəyib.

Çağrı.az xəbər verir ki, bu barədə Orban “M1” televiziya kanalına müsahibəsi zamanı bildirib.

Orban Brüsselə məktub göndərdiyini vurğulayıb və orada Ukraynanın Avropa İttifaqı (Aİ) ilə müqavilələrinə əməl etməyə və Aİ ölkələrinin enerji təhlükəsizliyini təhlükəyə atmamağa borclu olduğunu deyib.

Baş nazir fon der Leyenə göndərilən məktubun surətini göstərərək qeyd edib: “Zelenski boru kəmərini yenidən açmaq niyyətində olmadığını bildirib. Buna görə də bu gün Avropa Komissiyasının prezidentini mövcud vəziyyət barədə məlumatlandırdım”.