Paşinyan NATO ilə dialoqu vacib hesab edir

Ermənistanın Baş naziri Nikol Paşinyan NATO baş katibinin Qafqaz və Orta Asiya üzrə xüsusi nümayəndəsi Kevin Hamiltonla görüşündə regionda təhlükəsizliyin gücləndirilməsi üçün NATO ilə əməkdaşlığın vacibliyini vurğulayıb.

Çağrı.az xəbər verir ki, bu barədə Ermənistan hökumətinin mətbuat xidməti məlumat verib.

"Paşinyan Hamiltonu vəzifəyə başlaması münasibətilə təbrik etdi və regionda təhlükəsizlik və sabitliyin gücləndirilməsi üçün Ermənistan-NATO əməkdaşlığının və sıx dialoqun vacibliyini vurğuladı", - deyə bəyanatda bildirilir.

Həmsöhbətlər Ermənistan-NATO tərəfdaşlıq gündəliyi ilə bağlı bir sıra məsələləri müzakirə ediblər. Xüsusilə, əməkdaşlığın inkişaf perspektivlərinə, eləcə də qarşılıqlı maraq doğuran sahələrdə proqramların effektiv həyata keçirilməsinə toxunublar.