Rubio Mərkəzi Asiya ölkələrinə səfər edəcək

ABŞ dövlət katibi Marko Rubio 2026-cı ilin sonlarında Orta Asiya ölkələrinə səfər edəcəyini açıqlayıb.

Çağrı.az xəbər verir ki, Nümayəndələr Palatasının Xarici İşlər Komitəsinin dinləməsində Rubio Tramp administrasiyasının ABŞ qanunverici orqanı tərəfindən ABŞ-ın Orta Asiya respublikaları ilə ticarətini məhdudlaşdıran Cekson-Venik düzəlişinin ləğvini dəstəklədiyini təsdiqləyib.

"Biz inanırıq ki, bu, faydalı olar", - deyə o qeyd edib.

"Yeri gəlmişkən, biz regionda C5+1 formatında (ABŞ və beş Orta Asiya ölkəsi - red.) görüş keçirməyi planlaşdırırıq və mən bu ilin sonunda orada iştirak edəcəyəm", - deyə Amerika Dövlət Departamentinin rəhbəri bildirib.

C5+1 ABŞ-ın Qazaxıstan, Qırğızıstan, Tacikistan, Türkmənistan və Özbəkistanla kollektiv qarşılıqlı əlaqəsi üçün bir mexanizmdir. Vaşinqton təxminən 2015-ci ildən bəri bundan istifadə edir.