"Rumıniya şərq cinahında PUA-lara qarşı müdafiəsini gücləndirmək üçün NATO müttəfiqlərindən rəsmi olaraq müvəqqəti əlavə yardım istəyib".

Çağrı.az xəbər verir ki, bunu ölkənin müdafiə naziri vəzifəsini icra edən Radu Miruța Brüsseldə NATO-nun Avropa Müttəfiq Qüvvələrinin Ali Qərargahına (SHAPE) səfərindən sonra açıqlayıb.

O, "Facebook" səhifəsində yazıb: "Bu gün Belçikada, NATO-nun hərbi qərargahında, alyansın hərbi əməliyyatlarını idarə edən və əlaqələndirən SHAPE-də idim. 32 üzv dövlətin hərbi nümayəndələri qarşısında Rumıniyanın üzləşdiyi reallığı təqdim etdim. Dobruja zonasında PUA-larla necə mübarizə apardığımızı, sistemlərimizdən necə istifadə etdiyimizi, hansı zəiflikləri müəyyən etdiyimizi və xüsusən də onları aradan qaldırmaq üçün hansı tədbirləri gördüyümü açıq şəkildə izah etdim".

“SAFE proqramı çərçivəsində təxminən 3 milyard avro dəyərində müasir hava hücumundan müdafiə və pilotsuz təyyarələrə qarşı müdafiə sistemləri sifariş etmişik. Bu, ehtiyaclarımızı ödəyəcək, lakin ilk tədarüklər təxminən bir il yarım ərzində başlayacaq. O vaxta qədər şərq cinahında müdafiəni gücləndirmək üçün müvəqqəti müttəfiq dəstəyi tələb etmək qanunidir”, - deyə o vurğulayıb.