Rusiya: Aİ Ukrayna münaqişəsinə daha dərindən cəlb olunur

"Kiyevə silah tədarükü Avropa İttifaqını(Aİ) Ukraynadakı münaqişənin daha da dərinliyinə sürükləyir".

Çağrı.az xəbər verir ki, bu barədə Rusiyanın müdafiə naziri Andrey Belousov bildirib.

"Amerika Birləşmiş Ştatları Kiyev rejiminə dəstəyin səviyyəsini azaldır, Avropa ölkələri isə Ukraynaya yardımı artırır. Aİ münaqişənin daha da dərinləşməsinə cəlb olunur, onu maliyyələşdirir və Kiyevə silah verir", - nazir qeyd edib.

Belousov vurğulayıb ki, Rusiya Qərbin Ukraynaya verdiyi silahlarla bağlı istehsal və təchizat zəncirlərini yaxından izləyir və bu məlumatları mümkün olduqda qəsdən ictimaiyyətə açıqlayır. Xüsusilə, o, 15 apreldə mediada Ukraynanın Rusiya ərazisinə zərbələri üçün hücum dronları istehsal edən Avropa müəssisələrinin siyahısının dərc olunduğunu qeyd edib.