Rusiya Google-u 16 milyard rubl cərimələndirib

Google əvvəllər tətbiq edilən cərimələri ödəmədiyinə görə Rusiyada 16 milyard rubl (təxminən 206 milyon dollar) cərimə olunub.

Çağrı.az xəbər verir ki, bu barədə "CNN Türk" məlumat yayıb.

Məlumata görə, qərar paytaxt Moskvada keçirilən məhkəmə prosesindən sonra elan edilib.

Rusiya hakimiyyəti əvvəllər Google-a müxtəlif səbəblərdən sanksiyalar tətbiq edib. Qadağan olunmuş məzmunu silmədiyinə, Rusiya istifadəçilərinin şəxsi məlumatlarını ölkə daxilində saxlamadığına və müxtəlif qaydaları pozduğuna görə fərqli vaxtlarda cərimələr tətbiq edilib.

Həmçinin Google əvvəllər 25 fevralda Google Play vasitəsilə VPN xidmətlərinə çıxış təmin etdiyinə görə 22 milyon rubl cərimə olunub. Bu yeni qərar şirkətin Rusiyadakı ümumi öhdəliklərini daha da artırıb.