"Rusiya tərəfi İran ətrafındakı vəziyyətin nizamlanması ilə bağlı müsbət xəbərlər gözləyir və bu istiqamətdə diplomatik səylərin bərpa olunmasına ümid edir".

Çağrı.az xəbər verir ki, bu barədə Rusiyanın xarici işlər naziri Sergey Lavrov Liviyanın xarici işlər və beynəlxalq əməkdaşlıq naziri vəzifəsini icra edən Taher əl-Baur ilə danışıqlar zamanı açılış nitqində bildirib.

“Bu mərhələdə Fars körfəzi zonasındakı böhrana, ABŞ və İsrailin İran İslam Respublikasına qarşı təcavüzündən qaynaqlanan böhrana xüsusi diqqət yetiririk. Həm Rusiya, həm də Liviya davamlı siyasi və diplomatik prosesin qurulması üçün güc tətbiqinin təkrarlanmasının ən tez bir zamanda dayandırılmasının tərəfdarıdır. Ümid edirik ki, bu anda daxil olan məlumatlar diplomatik səylərin bərpası baxımından müsbət olacaq, çünki mövcud fikir ayrılıqları yalnız bu şəkildə həll edilə bilər, eyni zamanda bölgədəki bütün dövlətlərin, o cümlədən Körfəzdəki ərəb dostlarımız da daxil olmaqla, hər birinin maraqları təmin edilə bilər”, - deyə Lavrov vurğulayıb.