Rusiya süni intellektə senzura tələb edir

"Rusiyada süni intellekt (Sİ) müəyyən istifadəçi sorğularını məhdudlaşdırmaq üçün giriş və çıxış məlumatlarının senzurasına məruz qalmalıdır".

Çağrı.az xəbər verir ki, bunu Rusiya Rəqəmsal İnkişaf nazirinin müavini Aleksandr Şoytov “Sİ: Etibar Rejimi” forumunda bildirib.

Onun sözlərinə görə, fundamental hüquqlara malik vətəndaşlardan fərqli olaraq, Sİ qanunun subyekti deyil, buna görə də bu cür məhdudiyyətlər olduqca uyğundur.

Mart ayında nazirlik süni intellektin tənzimlənməsinə yönəlmiş qanun layihəsini ictimai müzakirəyə təqdim etmişdi. Sənəddə "süni intellekt" anlayışı müəyyən edilmiş, bazar iştirakçılarının hüquq və vəzifələri müəyyən edilmiş və süni intellektdən istifadə etməklə yaradılmış foto, video və audio məzmunun məcburi etiketlənməsi tələbi irəli sürülmüşdür.