Rutte: NATO "Hörmüz" boğazında gəmiçiliyin təmin edilməsinə kömək edə bilər

Şimali Atlantika Alyansı "Hörmüz" boğazından sərbəst naviqasiyanı təmin etmək üçün dəstək verə bilər.

Çağrı.az xəbər verir ki, bu barədə NATO-nun baş katibi Mark Rutte Vaşinqtonda Ronald Reyqan Fondu İnstitutunda çıxış edərkən bildirib.

"34 ölkənin koalisiyası artıq "Hörmüz" boğazından sərbəst keçidi təmin etmək üçün tədbirlər görmək imkanlarını müzakirə edir. Düşünürəm ki, bu, ilk addımdır. NATO kömək edə bilsə, mütləq edəcək. Yardım göstərməmək üçün heç bir səbəb yoxdur. Faydalı olarsa, mütləq edəcəyik", - Rutte deyib.

"Amma düşünürəm ki, bunu addım-addım etməliyik. Çünki NATO-da bu, bütün müttəfiqlər arasında razılaşmalar tələb edir. Amma yenə də, əgər NATO müəyyən rol oynaya bilsə, bu, gözəl olardı", - deyə alyansın baş katibi əlavə edib.