"Saudi Aramco" neft emalı zavodu fəaliyyətini dayandırdı

02 Mart 2026, 14:56
32
0

Səudiyyə Ərəbistanı dövlət neft şirkəti "Saudi Aramco"nun Ras Tanuradakı neft emalı zavodu ehtimal olunan dron hücumu və nəticədə baş verən yanğından sonra fəaliyyətini dayandırıb.

Çağrı.az xəbər verir ki, bu barədə "Semafor" jurnalisti Metyu Martin "X" sosial şəbəkəsində paylaşım edib.

"Səhər tezdən dron hücumundan sonra "Saudi Aramco" şirkətinin Ras Tanuradakı neft şirkətində nəzarət altına alınmış kiçik bir yanğın baş verib. Hücum əməliyyat bölməsinə dəyib, emal zavodu ehtiyat tədbiri olaraq bağlanıb", - o bildirib.

Səudiyyə Ərəbistanının Energetika Nazirliyinin açıqlamasına görə, dron hücumuna görə Ras Tanuradakı neft emalı zavoduna kiçik ziyan dəyib, lakin hadisə yerli bazarlara neft tədarükünə təsir etməyib.