Siyarto: Avropa enerji böhranına doğru irəliləyir

"İran ətrafındakı vəziyyət və ölkənin Rusiya neft, qazından asılılıqdan imtina etməsi nəticəsində Avropa sürətlə enerji böhranına yaxınlaşır".

Çağrı.az xəbər verir ki, bunu Macarıstanın xarici işlər naziri Peter Siyarto deyib.

"İran müharibəsi səngimədən davam etdiyi və dünyanın neft tədarükünün 20%-ni blokladığı üçün Avropa qitəsi sürətlə enerji böhranına doğru irəliləyir", - Siyarto bildirib.

O, həmçinin qeyd edib ki, illik təbii qaz istehlakının yalnız 9%-i Avropa anbarlarında qalır:
"Son həftələrdə Avropa iqtisadiyyatının qaz qiymətlərinin 60% və neft qiymətlərinin 70% artmasına dözməli olması təəccüblü deyil".

Siyartonun fikrincə, bu vəziyyətdə Avropaya enerji təchizatının artırılması lazım gələcək, lakin Avropa bazarında nə ərəb nefti, nə Rusiya nefti, nə də Rusiya qazı yoxdur. Buna görə də qiymət artımı dramatikdir.