Şoyqu BRICS görüşü üçün Yeni Dehliyə gəlib

Rusiya Təhlükəsizlik Şurasının (TŞ) katibi Sergey Şoyqu BRICS ölkələrinin təhlükəsizlik məsələlərinə nəzarət edən yüksək səviyyəli nümayəndələrinin görüşünün keçiriləcəyi Hindistana səfər edib.

Çağrı.az xəbər verir ki, bu barədə Təhlükəsizlik Şurasının mətbuat xidmətindən "TASS"a bildirilib.

Məlumata görə, Şoyqu iyunun 23-də Nyu-Dehlidə təhlükəsizlik məsələlərinə nəzarət edən BRICS ölkələrinin yüksək səviyyəli nümayəndələrinin görüşündə iştirak edəcək.

Mətbuat xidmətindən bildirilib ki, iştirakçıların beynəlxalq münasibətlərin inkişaf edən polisentrik arxitekturası kontekstində BRICS ölkələri arasında koordinasiyanın gücləndirilməsi yollarını, eləcə də beynəlxalq və regional təhlükəsizliyin konkret məsələlərini müzakirə etmələri gözlənilir.