TASS: ABŞ casus təyyarəsi yenidən Qara dəniz üzərində dövrə vurur

"Amerikanın Bombardier Challenger 650 Artemis II kəşfiyyat və hədəf toplama təyyarəsi Qara dənizin neytral suları üzərində yenidən müşahidə edilib".

Çağrı.az xəbər verir ki, bu barədə "TASS"-a hava nəqliyyatının idarə olunmasındakı mənbə bildirib.

"Qara dənizin neytral suları üzərində bir neçə dövrə vuran Amerika kəşfiyyat təyyarəsi yenidən müşahidə edilib. Mənbənin sözlərinə görə, təyyarə, əvvəlki kimi, Rumıniyanın Konstansa şəhərindəki aerodromdan havaya qalxıb və sonra Buxarest və Sofiyadakı hava hərəkəti dispetçerləri tərəfindən nəzarət edilən ərazilərdən neytral sular üzərindən uçub. Mənbə qeyd edib ki, təyyarə heç bir ölkənin hava məkanına daxil deyil və mülki aviasiya üçün müəyyən edilmiş uçuş dəhlizlərindən kənarda təxminən 11,5 kilometr yüksəklikdə uçur", - məlumatda qeyd edilib.