Tbilisi meri: Aİ Gürcüstana təzyiq göstərir

"Avropa İttifaqı(Aİ) son bir neçə ildir ki, Gürcüstana təzyiq göstərir, çünki ölkə onun razılığı olmadan müəyyən qanunlar qəbul etməyə cəsarət edib".

Çağrı.az xəbər verir ki, bunu jurnalistlərə hakim "Gürcü Arzusu - Demokratik Gürcüstan" partiyasının baş katibi və Tbilisi meri Kaxa Kaladze bildirib.

"Son bir neçə ildə ölkəmiz görünməmiş təzyiq altında olub. Qanunlar haqqında danışa bilərik ki, bunlar, şübhəsiz ki, bu prosesin bir hissəsidir, amma ən vacib səbəb odur ki, onların xəbəri olmadan qərarlar qəbul etməyə necə cəsarət edirik. Biz ölkəmizin maraqları naminə hərəkət edirik. Seçilmiş hökumətin birbaşa vəzifəsi sülhü qorumaq, ailələri və uşaqları qorumaq və heç kimin gənc kişiləri başqa bir böyük ölkənin maraqlarını təmin etmək üçün istismar etməsinə icazə verməməkdir", - Kaladze qeyd edib.