"ABŞ prezidenti Donald Tramp İrana qarşı hərbi əməliyyata icazə verməklə prezidentliyini böyük bir riskə atıb".

Çağrı.az xəbər verir ki, bunu “The New York Times” qəzetinin müxbiri Tayler Peycer deyib.

"Cümə günü İrana qarşı müharibəyə icazə vermək qərarı ilə cənab Tramp prezidentlik müddətinin ən böyük riskini etdi. Amerika qoşunlarının həyatını dünyanın ən qeyri-sabit bölgəsində daha böyük təhlükəyə atdı. ABŞ-ın bu cür hərəkətləri neft qiymətlərinin artmasına, eləcə də münaqişənin bütün Yaxın Şərq bölgəsinə yayılmasına səbəb ola bilər", - o bildirib.

Peycer hesab edir ki, Tramp, ABŞ-ı 2003-cü ildə İraqa hücumundan bəri ən genişmiqyaslı hərbi münaqişəyə sürükləyib. O, ABŞ liderinin vəzifəyə başladığı gündən bəri dünyanın müxtəlif yerlərində yeddi hərbi münaqişəyə icazə verərək seçicilərə verdiyi "müharibələrə son qoymaq, başlatmaq yox" vədini dəfələrlə pozduğunu vurğulayıb.